P U L S

En trøst tilbys

oss som ikke kan

velge og vrake.

Er vi ikke et lys

kan vi være

en lysestake.

  (Anders Helseth)

Pensjonist.

Det står ein gamal mann

ved stranda.

Heilt ved flomålet stend han.

Lengst ute 

der himmel og hav møtest

ser han barndommen.

Stiv og støl

legg han handa 

over augo.

Han ser best slik

ved flomålet 

av sitt eige liv.

LADING.

Telefon og nettbrett

er på lading.

Barbermaskina og tannkost

er på lading.

Klokka og bilen 

er på lading.

Pacemaker og høyreapparat

skal på lading.

Trua er på lading

heile tida.

SYKLUS

Elsk meg

her ute i himmelranda

vaska av sola og turka av vinden

åpnar vi oss

reine for kvarandre.

Vi er blomar

 raude orkidear

  med voner

 om å gå inn syklusen

 evig her ute.

På kne ved senga,                    

før eg går til ro

og forset søvnen, 

er eg ein kristen.

- 

For nokre få minuttar

sankar eg saman

bøner og omtanke

for ei heil verd. 

- 

Ei lita stund 

er eg god

og full av lovnader

om forsaking

og hjelp.  

- 

Sovnar --

med reint samvet

etter nesteplikta, 

viss om velsigning

vidare.

LIKSKAP

Når ein er

som naturen

hard

kanta

kald

aude

er det godt 

å koma hit.

Den harde steinen

er mjuk som hud.

Kanta fjell

er forma og slipt.

Det kalde berget

er varmt av sola.

Aude landskap

er fult av liv.

--Så lat meg vera

som naturen.

Skiftande.

VEKSLING.

Kom regn

skap lukter

reis vokstrar

snu livet

til fruktsame

skiftingar i syklusen.

Berre sol

skapar ikkje liv.

Berre glede

gjev ikkje lukke.

Kom tårer

som lim

mellom vonde

og gode dagar.

Kom regn.

Ein -renning- er grunnlaget i ein vev.  Den er grunnlaget som held alt oppe.  Og gjer det mogeleg å fletta inn tankar, draumar og følelsar.  

Alle desse ord om kjærleik, kven hjeler dei?

Alle desse møte og tog for fred, kven hjelper dei?

Alle desse vakre utstillingar og tonar, kven hjelper dei?

Alle desse vi møter på gata som svelt og frys, kven hjelper dei?